უკვე თვეებია, რაც ევროპელი ფერმერები აპროტესტებენ ევროკავშირის კლიმატის ცვლილების წინააღმდეგ რეგულაციებით დაწესებულ შეზღუდვებს, რაც მათი ხარჯების მკვეთრ ზრდას იწვევს. ისინი ასევე აღშფოთებას ვერ მალავენ ევროკავშირის მეზობელი ქვეყნებიდან, განსაკუთრებით კი უკრაინიდან, მათი აზრით არასამართლიანი კონკურენციის გამო.

უკრაინა ავდიივკას დაკარგვის შემდეგ, "იბრძვის დაიკავოს თავდაცვითი პოზიციები" საკვანძო ქალაქთან ახლოს. დონეცკის აღმოსავლეთის სამ სოფელთან რუსული ძალები აძლიერებენ თავდასხმებს და უბიძგებენ უკრაინელებს დასავლეთისკენ გადაინაცვლონ. 

პატიმრობაში გარდაცვლილ რუს ოპოზიციონერ პოლიტიკოსს, ალექსეი ნავალნის 1-ელ მარტს მოსკოვში, ბორისოვის სასაფლაოზე დაკრძალავენ, - ამის შესახებ ინფორმაციას რუსი ოპოზიციონერის პრესმდივანი, კირა იარმიში ავრცელებს.

ნატოს ქვეყნებსა და რუსეთს შორის პირდაპირი შეტაკება ალიანსის ქვეყნების ინტერესებში არ შედის, თუმცა, უკრაინაში ნატოს ჯარების გაგზავნის შემთხვევაში რუსეთსა და ნატოს შორის შეტაკება გარდაუვალი იქნება, - ამის შესახებ რუსეთის პრეზიდენტის პრესსპიკერმა, დიმიტრი პესკოვმა განაცხადა.

25 თებერვალს უკრაინის პრეზიდენტმა  ვოლოდიმირ ზელენსკიმ პირველად დაასახელა ომში დაღუპული სამხედროების რაოდენობა, მისი თქმით რუსეთის წინააღმდეგ ომში 31 ათასი უკრაინელი სამხედროა დაღუპული. 27 თებერვალს კი რუსეთის თავდაცვის მინისტრმა სერგეი შოიგუმ განაცხადა, რომ უკრაინის დანაკარგები 444 ათასზეა. სამხედრო ექსპერტი ვახტანგ მაისაია „რეზონანსთან“  ორივე მხარის სავარაუდო დანაკარგზე საუბრობს.

საფრანგეთის პრეზიდენტი ემანუელ მაკრონი უკრაინაში დასავლეთის ქვეყნების ჯარების გაგზავნას არ გამორიცხავს, თუმცა ამბობს, რომ ამ საკითხზე მოკავშირეებში კონსენსუსი ჯერჯერობით არაა. მიუხედავად იმისა, რომ ნატოს გენმდივანმა და ცალკეული სახელმწიფოს ლიდერებმა ეს საკმაოდ სწრაფად უარყვეს, ანალიტიკოსთა თქმით, თუნდაც ის ფაქტი, რომ ამ საკითხზე მსჯელობა იყო, ეს უკვე მიუთითებს ამ თემის სერიოზულობასა და იმაზე, რომ დასავლეთში მსგავსი სცენარი განიხილება.

უკრაინაში ომის დაწყებიდან  2 წლის შემდეგ ქვეყანა უმძიმესი რეალობის წინაშე დგას. უკრაინის პრეზიდენტი ვოლოდიმერ ზელენსკი ამბობს, რომ თუკი მათ ამერიკიდან დახმარება დროზე არ მიეწოდებათ და ეს დროში კიდევ გაჭიანურდება, მაშინ ფრონტის ხაზზე სავალალო სიტუაცია შეიქმნება. პრეზიდენტის განცხადებით, ამერიკის დაგვიანებულმა დახმარებამ შედეგი უკვე ჰპოვა და მათ იარაღის ამოწურვის გამო, ავდიივკა დაკარგეს. 

გაერთიანებული სამეფოს საგარეო საქმეთა მინისტრის დევიდ კამერონის განცხადებით დასავლეთს საკმარისი არ გაუკეთებია უკრაინის მხარდასაჭერად. „ამერიკის ხმის" უკრაინულ რედაქციასთან ინტერვიუში მინისტრმა აღნიშნა რომ: „მოკლე პასუხი არის არა, ჩვენ საკმარისი არ გაგვიკეთებია".

ავდეევკის დაკავების მერე, რუსი ოკუპანტები შეტევას რამდენიმე მიმართულებით აგრძელებენ, თუმცა მთავარი დაწოლა დონეცკის ოლქზეა მიმართული. როგორც ანალიტიკოსები ამბობენ, ახლა კრემლის მთავარი გეგმა დონბასის სრულიად დაკავებაა, რადგან რუსეთის პრეზიდენტი ვლადიმირ პუტინი ცდილობს რაიმე ხელშესახები შედეგით შეხვდეს საპრეზიდენტო არჩევნებს, რომელიც 15-17 მარტსაა დაგეგმილი.

რუსეთმა ირანისგან 400 ერთეული ბალისტიკური რაკეტა მიიღო, რომელთა მოქმედების რადიუსი 700 კილომეტრამდეა, ამის შესახებ ინფორმაციას ბრიტანული სააგენტო „როიტერზი" ავრცელებს.

რუსეთის უსაფრთხოების საბჭოს თავმჯდომარის მოადგილე და ექსპრეზიდენტ დიმიტრი მედვედევის განცხადებით, რუსეთი, შესაძლოა, არც მეტი არც ნაკლები, კიევამდე მივიდეს, რადგან მისი არსებობის საფრთხე სწორედ კიევიდან მოდის, რაზედაც დასავლელი ლიდერები აცხადებენ, რომ მისთვის „მხოლოდ ფსიქიატრიული დახმარების რჩევა შეუძლიათ".

რუსეთის მხარეზე მებრძოლ კავკასიელებს შორის მსხვერპლი მაღალია და 7-8 ათასს აღწევს, რაც მოიცავს როგორც გაწვეულებს, ასევე კონტრაქტით მეომრებს, მოხალისეებს. ყველაზე მაღალია მსხვერპლი დაღესტნელებს შორის, აცხადებს „რეზონანსთან" ექსპერტის კავკასიის საკითხებში მამუკა არეშიძე.