რუმინეთმა, ქვეყნის ტერიტორიაზე დრონების ჩამოვარდნასთან დაკავშირებით რუსეთის დიპლომატიური მისიის ხელმძთვანელი დაიბარა და რუმინული მხარის პროტესტი გადასცა. სახელმწიფო მდივანმა სტრატეგიულ საკითხებში, იულიან ფოტამ რუმინეთის საჰაერო სივრცის დარღვევასთან დაკავშირებით პროტესტი გამოხატა მას შემდეგ, რაც ქვეყნის ტერიტორიაზე, უკრაინის საზღვართან ახლოს, აღმოაჩინეს იმ დრონების ფრაგმენტები, რომლებიც რუსებმა უკრაინის დუნაის პორტებზე თავდასხმებისთვის გამოიყენეს.

უკრაინიდან ხორბლის ექსპორტი კვლავ პრობლემურ საკითხად რჩება, რის გამოც შავ ზღვაზე ვითარება შეიძლება უკიდურესად დაიძაბოს. კიევმა ანკარას ოფიციალური წინადადება წარუდგინა, რომ მარცვლეულის დერეფანი რუსეთის გარეშე გახსნას. რუსები საჰაერო დარტყმებით ცდილობენ მდინარე დუნაის გასწვრივ უკრინელთა საპორტო ინფრასტრუქტურის განადგურებას. ამის საპასუხოდ აშშ-და რუმინეთი წვრთნებს იწყებენ. ბრიტანული საბრძოლო ავიაცია კი შავი ზღვის თავზე პატრულირებს და შეეცდება ჰაერიდან დაიცვას უკრაინული ხორბლით დატვირთული გემები რუსებისაგან.

აშშ-ს თავდაცვის დეპარტამენტი უარყოფს რუსეთის ბრალდებებს, რომ გაღარიბებული ურანის შემცველი ჭურვები, რომელსაც აშშ უკრაინას გადასცემს კიბოს და სხვა დაავადებებს იწვევს. "აშშ-ის დაავადებათა კონტროლისა ცენტრმა განაცხადა, რომ არ არსებობს არანაირი მტკიცებულება, რომ გაღარიბებული ურანი კიბოს იწვევს. ჯანდაცვის მსოფლიო ორგანიზაცია იტყობინება, რომ არ დაფიქსირებულა ლეიკემიის ან სხვა სიმსივნეების მატება ურანის ზემოქმედების შემდეგ",-განაცხადა პენტაგონის პრესმდივნის მოადგილემ, საბრინა სინგმა.

ევროპული საბჭოს პრეზიდენტის შარლ მიშელის განცხადებით, მსოფლოში 250 მილიონზე მეტი ადამიანი მწვავე სასურსათო დაუცველობის წინაშე დგას, უკრაინის პორტებზე მიზანმიმართული თავდასხმებით კრემლი ართმევს მათ საკვებს, რომელიც ძალიან სჭირდებათ.

უკრაინელებს ფრონტის ხაზზე წარმატებები აქვთ. ახლა მათი წინსვლა ყველაზე შესმაჩნევი ბახმუტის სამხრეთით და რობოტინოს სამხრეთით არის. მტერს პოზიციებიდან აძევებენ და მიღწეულ ხაზებზე მაგრდებიან. თავდაცვის ძალებსა და საოკუპაციო ძალებს შორის, გასული დღე-ღამის განმავლობაში, 39 სამხედრო შეტაკება მოხდა.

ბახმუტისთვის ბრძოლა კვლავ გაატიურდა, უკრაინელებს ქალაქის სამხრეთით გარკვეული წარმატება აქვთ, რუსებს აძევებენ და პოზიციებს იკავებენ. წინსვლაა ქვეყნის სამხრეთით ზაპოროჟიეს მიმართულებაზეც, სადაც ბრძოლა ე.წ. სუროვიკინის თავდაცვითი ზღუდის პირველი ხაზის უკიდურეს წერტილში მიდის. ამის პარალელურად კი უკრაინამ აშშ-საგან მორიგი ფინანსური დახმარება მიიღო - რუსი ოლიგარქების გაყინული აქტივები.

სომხეთ-რუსეთის ურთიერთობა ბოლო დღეებში უკიდურესად გაუარესდა, აზერბაიჯანმა კი სომხეთის საზღვრისკენ სამხედრო ნაწილების გადასროლა დაიწყო. იქნება თუ არა ახალი ომი სამხრეთ კავკასიაში? ანალიტიკოსი მამუკა არეშიძე „რეზონანსთან" აცხადებს, რომ დღეს ამის ალბათობა მცირეა, თუმცა არაფერია გამორიცხული.

აშშ-ს სახელმწიფო მდივანი ენტონი ბლინკენი უკრაინის საგარეო საქმეთა მინისტრს დმიტრო კულებას კიევში შეხვდა. ბლინკენის განცხადებით, ოფიციალური ვაშინგტონი უკრაინის კონტრშეტევის პროგრესს ხედავს და იზრუნებს იმაზე, რომ უკრაინამ, როგორც ახლა, ისე გრძელვადიან პერსპექტივაში საჭირო დახმარება მიიღოს. როგორც ბლინკენმა ვიზიტის დროს განაცხადა, გაოცებულია უკრაინის სიმამაცითა და გამძლეობით.

უკრაინის თავდაცვის ძალები ქალაქ ბახმუტის სამხრეთით შეტევით ოპერაციებს აგრძელებენ და დაკავებულ ტერიტორიებზე მაგრდებიან. ხოლო რუსულმა ძალებმა, გასული დღის განმავლობაში, 6 სარაკეტო და 76 საჰაერო დარტყმა განახორციელა და უკრაინის ჯარების პოზიციებსა და დასახლებებს მრავალჯერადი სარაკეტო სისტემებიდან ცეცხლი 60-ჯერ გაუხსნა. 

ბოლო პერიოდში სომხეთიც აქტიურად ცდილობს გააძლიეროს კავშირები დასავლეთთან - ამის ერთ-ერთი ნათელი მაგალითია ის, რომ 11-20 სექტემბერს სომხეთის რესპუბლიკაში სომხეთ-აშშ-ს ერთობლივი სამხედრო წვრთნები- ARTSIV PARTNERS-2023 ჩატარდება. ინფორმაციას სომხეთის თავდაცვის სამინისტროს პრესსამსახურზე დაყრდნობით, სომხური მედია ავრცელებს.

ოლექსი რეზნიკოვმა უკრაინის თავდაცვის მინისტრის თანამდებობა 5 სექტემბერს ოფიციალურად დატოვა, მას სახელმწიფო ქონების ფონდის ხელმძღვანელი რუსტემ უმეროვი შეცვლის. დასავლური მედია რეზნოკოვის გადაყენებას კორუფციულ სკანდალს უკავშირებს, ამაზე საუბრები ჯერ კიდევ გასულ წელს დაიწყო, რომ უკრაინის თავდაცვის სამინისტრო ჯარისთვის საკვებს, სამხედრო ფორმებსა და აღჭურვილობას სტანდარტულ საბაზრო ფასზე უფრო ძვირად ყიდულობდა. ფრონტზე კი მნიშვნელოვანი ცვლილება არაა.

უკრაინის კონტრშეტევების არეალი ფართოვდება - ინტენსივობა კი იზრდება. კიევი ამტკიცებს, რომ რუსების თვდაცვის პირველი ხაზი სამხრეთის მიმართულებით გაარღვიეს. მათი ინფორმაციით, ე.წ. სუროვიკინის თავდაცვით ხაზის პირველი შრე გადალახულია და ამბობენ, რომ მეორე და მესამე თავდაცვითი ხაზების გადაალახვა უფორ მარტივი იქნება, რადგან მის ასაგებად პირველზე ნაკლები რესურსია დახარჯული.