შეიძლება დონალდ ტრამპის მოსვლამ ყველაფერი არ გადაწყვიტოს, თუმცა მას გარკვეული პოლიტიკური ხაზი საქართველოსთან დამოკიდებულებაშიც ექნება, რომელიც ჯერ კიდევ არ დაუკარგავს, - აცხადებს პოლიტოლოგი იგორ კვესელავა, რომელსაც „რეზონანსი" ქვეყანაში მიმდინარე პოლიტიკურ პროცესებზე ესაუბრა.

ოპოზიცია უწყვეტ პროტესტს აანონსებს, რის პარალელურადაც, საქართველოში ჩატარებულ ოქტომბრის არჩევნებზე საერთაშორისო გამოძიებას ითხოვს. დიდი აქცია ორშაბათს 19:00 საათისთვის დაიგეგმა, რაზედაც ოპოზიციურმა ფლანგმა სპეციალური ბრიფინგი ჩანიშნა 31 ოქტომბრის ღამეს, თუმცა მათ შორის არ იდგა გიორგი გახარია. ოპოზიცია ირწმუნება, რომ გამოსვლებს ყოფილი პრემიერის გუნდიც უერთდება, თავად გახარიას კომენტარი არ გაუკეთებია.

უძრავი ქონების ბაზრის სტაბილურობა არ შერყეულა. არჩევნებიდან სულ რამდენიმე დღე გავიდა და უკვე იგძნობა, რომ პოლიტიკურ პროცესებს სექტორზე  ნეგატიურად არ უმოქმედის. მომხმარებლები, რომლებიც ფართების შეძენისგან თავს იკავებდნენ, ახლა შედარებით გამოცოცხლდნენ. როგორც ჩანს, არჩევნების შემდეგ ხალხს სტაბილურობის განცდა დაეუფლა. ეს კი ხელს უწყობს ბაზრის დინამიკურ განვითარებას. ამიტომაც, მშენებლებისა და დარგის სპეციალისტების თქმით, სეგმენტში განვითარების ტენდენცია აღარ შეიცვლება.

აშშ-ს საპრეზიდენტო არჩევნები ახლოვდება, სულ რაღაც ხუთ დღეში გახდება ცნობილი დონალდ ტრამპი გახდება პრეზიდენტი თუ კამალა ჰარისი. კანდიდატებმა შემაჯამებელი შეხვედრები უკვე გამართეს, ჰარისმა თეთრი სახლის მიმდებარედ, ხოლო ტრამპმა პენსილვანიაში. როგორც ანალიტიკოსები აცხადებენ, პოზიციები და რეიტინგი თითქმის თანაბარია და ორივე კანდიდატი გადაუწყვეტელი ამომრჩევლისთვის იბრძვის.

მიწის სისტემური რეისტრაცია, 2024 წლის ნაცვლად, 2025 წლის ბოლომდე გაგრძელდება. შესაბამისი გადაწყვეტილება მთავრობამ რამდენიმე დღის წინ მიიღო და როგორც ითქვა, მოქალაქეების ნაწილმა საკუთარი მიწის დარეგისტრირება ჯერაც ვერ მოახერხა. ამიტომ უფასო რეგისტრცია ერთი წლით გახანგრძლივდა. 

საქართველოს ეკონომიკური ზრდა, ბოლო წლების ტენდენციის მსგავსად, არც წინასაარჩევნო პერიოდში შეფერხებულა და როგორც ოფიციალური სტატისტიკით ირკვევა, სექტემბრის თვეში მშპ 8.3%-ით გაიზარდა. ეკონომისტები ფიქრობენ, რომ აღებული ტემპი მომავალშიც შენარჩუნდება და 2024 წელი ორნიშნასთან მიახლოებული მაჩვენებლით ჩაიხურება. 

არჩევნების სავარაუდო გაყალბების შესახებ საგამოძიებო მოქმედებებისთვის დაბარებული პრეზიდენტი პროკურატურაში მისვლას არ აპირებს. იურისტები ამბობენ, რომ ასეთ ვითარებაში, გარკვეული რეაგირება იქნება, მაგრამ იმის გათვალისწინებით, რომ პრეზიდენტს კონსტიტუციურად იმუნიტეტი აქვს და ხელშეუხებელია, მისი იძულება გამორიცხულია, აცხადებს იურისტი ლია მუხაშავრია: „ის არ არის რიგითი მოქალაქე, ის ამ ქვეყნის უმაღლესი პოლიტიკური თანამდებობის პირია."

წალენჯიხის სოფელ მედანში 55 წლის კაცმა 60 წლის ძმა სანდირო თოფით დაჭრა. როგორც ადგილობრივები ყვებიან, ძმებს შორის ყოფით ნიადაგზე დაწყებული სიტყვიერი დაპირისპირება ფიზიკურ ანაგრიშსწორებაში გადაიზარდა, რის შემდეგაც ერთმა მეორე, სანადირო თოფით შორი მანძილიდან დაჭრა. კაცმა დაზიანება მუცლის არეში მიიღო. 

მეზობლებს უჭირთ კონკრეტულად საუბარი რა გხადა ძმებს შორის დაპირისპირების მიზეზი, თუმცა ამბობენ, რომ სავარაუდოდ კონფლიქტი ქონების გაყოფას უნდა ეხებოდეს. 

ოპოზიცია და მესამე სექტორი 26 ოქტომბრის არჩევნების არალეგიტიმურად გამოცხადების რამდენიმე მთავარ მიზეზს ასახელებენ და მიიჩნევენ, რომ იყო იმ სახის მასობრივი დარღვევები, რის გამოც არჩევნების შედეგები ბათილად უნდა გამოცხადდეს. ეს დარღვევები კი მოქალაქეების დაშინებას, იძულებას და მათზე განხორციელებულ ზეწოლას ეხება. 

პარლამენტის პირველი სხდომა ნოემბრის ბოლოს ან დეკემბრის დასაწყისში გაიმართება. მას ბიძინა ივანიშვილიც დაესწრება, როგორც „ქართული ოცნების" სიის პირველი ნომერი. ოპოზიცია და პრეზიდენტი არჩევნების შედეგს არ აღიარებენ და, კონსტიტუციონალისტების აზრით, ეს პარლამენტის ულებამოსილების ცნობას ხელს ვერ შეუშლის. პირველი სხდომის დღეს კი, საკანონმდებლო ორგანოში და მის გარეთ, ანალიტიკოსები ვითარების დაძაბვას არ გამორიცხავენ.

ევროინტეგრაციის პროცესი გაყინულია. ევროკავშირის გაფართოების ახალ ანგარიშში აღნიშნულია, რომ საქართველოსთვის გაწერილი 9 დათქმა შესრულებული არაა და პირიქით, ამ პროცესის საწინააღმდეგო ქმედებებია გაკეთებული. ანალიტიკოსები ევროკავშირისგან მომდევნო მოსალოდნელ ნაბიჯებზე საუბრობენ, მათ შორის ვიზალიბერალიზაციის დროებით შეჩერებაზე.

სარეცხი მანქანების, მაცივრებისა სხვადასხვა ელექტრომოწყობილოებების ქართულ ენაზე ეტიკეტირება სავალდებულო ხდება. მსგავსი რეგულაცია მომხმარებელთა უფლებების დაცვის მიზნით გაკეთდა. მთავარია, კანონის შემოღების პარალელურად კონტროლის მექანიზმზეც გამახვილდეს ყურადღება. როგორც მომხმარებელთა უფლებადამდცველები აცხადებენ, მსგავსი ვალდებულება არსებობს სურსათის სფეროში, ასევე ფარმაციის ბაზარზე, მაგრამ ხარვეზ ბია აღსრულების მხრივ და  სავარაუდოდ, ასევე იქნება ტექნიკის ბაზარზეც.