ქეთო გოგოხია
28.06.2022

საქართველოში ზეთის იმპორტი მცირდება, ხოლო ფასი ელვის სისწრაფით მატულობს. ტენდენცია, ძირითადად, უკრაინაში მიმდინარე ომით არის გამოწვეული. ამ ქვეყნიდან პროდუქტი საერთოდ არ შემოდის, ხოლო რუსეთიდან მთავარი დამაბრკოლებელი ფასია, ბოლო 3 თვეში ზეთი 35%-ით არის გაძვირებული. ამ დროს საქართველოში წელს მზესუმზირის მოსავალი კარგია, მაგრამ დარგი, ძირითადად, საოჯახო მეურნეობების იმედადაა. წმინდა ქართული, ქარხნული წარმოების ზეთი ბაზარზე რეალურად არ არის.

გვანცა წულაია
28.06.2022

საქართველოს მთავრობამ მოსალოდნელ გლობალურ სასურსათო კრიზისთან დაკავშირებით მუშაობა უკვე დაიწყო. ქვეყნიდან აიკრძალება როგორც ხორბლის, ისე ქერის გატანა და ადგილზე წარმოებული მარცვლეული საქართველოში დარჩება. საინტერესოა, სხვა პროდუქციის მიმართ თუ ფიქრობს მთავრობა მსგავსი გეგმის შემუშავებას და კიდევ რა არის საჭირო სასურსათო უსაფრთხოების უზრუნველყოფისთვის?

ქეთო გოგოხია
27.06.2022

ეკონომიკურ ზრდის ტენდენციას საქართველო გრძელვადიან პერიოდშიც შეინარჩუნებს. ფაქტობრივად, ყველა პირობაა, რომ ქვეყანა მიღწეული შედეგით არა მხოლოდ რეგიონში, არამედ ევროპის მასშტაბით პირველ ადგილზე აღმოჩნდეს. მეტიც, არ არის გამორიცხული, საქართველომ მსოფლიოშიც ერთ-ერთი მოწინავე ადგილი დაიკავოს. ომის შიშით შემცირებული პროგნოზები შეცვალა, ვითარება რადიკალურად გაუმჯობესებულია. ტურიზმში გამოცოცხლება, ექსპორტის მიმართულებით მიღწევები და ტვირთნაკადების  ზრდა სამი მთავარი ფაქტორია, რამაც ეკონომიკაში სერიოზული გარდატეხა მოახდინა. წელს მშპ-ს ორნიშნა მაჩვენებელი უკვე ძალიან რეალურია.

ქეთო გოგოხია
27.06.2022

ევროკავშირში კანდიდატის ქვეყნის სტატუსით მიუნიჭებლობით ფინანსურად რა დანაკარგს მიიღებს საქართველო, ჯერჯერობით ვარაუდი ჭირს, თუმცა ევროკომისიის ოფიციალურ ვებ-გვერდზე გამოქვეყნებულ ინფორმაციას თუ მოვიშველიებთ, საუბარია 3-დან 5 მლრდ ევროს სარგებელზე, რომელიც კანდიდატის სტატუსის რანგში შეიძლება მიეღო  ჩვენს ქვეყანას. რაც შეეხება მხოლოდ ,,პერსპექტივით“ მიღებულ სარგებელს, როგორც სპეციალისტები აღნიშნავენ,  ამ შემთხვევაში ფულადი სარგებელი ნაკლებად იკვეთება და მთლიანად გათვლილია წაყენებული პირობების შესრულებაზე, რაც კანდიდატად გახდომის შანსს მისცემს საქართველოს.

გვანცა წულაია
27.06.2022

მსოფლიო სულ მალე შესაძლოა, ახალი და დიდი პრობლემის წინაშე აღმოჩნდეს. მოსალოდნელი გლობალური სასურსათო კრიზისის შესახებ უკვე არაერთი განაცხადი გაკეთდა. პრობლემებს ვერც საქართველო გადაურჩება. არის პროდუქტები, რომელიც უკვე ძალიან ძვირია და სულ მალე შესაძლოა, დეფიციტურიც კი გახდეს. ახლა ზაფხულის, მოსავლიანობის პერიოდია და საფრთხე ჯერ მიჩქმალულია, მაგრამ რა გველის შემოდგომიდან, როდესაც ახალი მოსავლის მოლოდინი აღარ იქნება და პროდუქციის დარეზერვება დაიწყება?

გვანცა წულაია
23.06.2022

რუსეთ-უკაინის მიმდინარე ომის პერიოდში, საქართველოს დერეფანმა უდიდესი მნიშვნელობა შეიძინა. ქვეყნის გზების მიმართ დაინტერესება 4 თვის წინაც იყო, თუმცა ახლა ნახტომისებური მატებაა. მარტის თვესთან შედარებით ქვეყანაზე გამავალი სატვირთო ავტომობილების რაოდენობა გაორმაგებულია და შემოსავალიც შესაბამიად გაზრდილია.

ქეთო გოგოხია
23.06.2022

საქართველოში წამლების შესაძლო წარმოება მედიკამენტებზე ხელმისაწვდომობას გაამარტივებს. კონკრეტულად  რამდენით შეიძლება შემცირდეს წამლის ღირებულება უცხოურ ანალოგებთან შედარებით, სპეციალისტებს ჯერ  საუბარი უჭირთ, თუმცა ვარაუდობენ, რომ ფასი, მინიმუმ განახევრდება.

გვანცა წულაია
23.06.2022

მსოფლიო რუსული გაზის ჩანაცვლების გზებს ეძებს, თუმცა შედეგი არ ჩანს, პირიქით, ზოგიერთმა სახელმწიფომ ქვეყანაში ბუნებრივი აირის კრიზისი გამოაცხადა. ომიდან თითქმის 4 თვის თავზე, ევროკომისიის პრეზიდენტი ამბობს, რომ თუ ევროპა გათბობის ტემპერატურას ორი გრადუსით დაუწევს, რუსულ გაზი მთლიანად ჩანაცვლდება. სპეციალისტები ფიქრობენ, რომ რუსულ ბუნებრივ აირზე დამოკიდებულების თავიდან აცილება ჯერჯერობით შეუძლებელია და ევროპაში შესაძლოა, გაზის კრიზისი შეიქმნას.

გვანცა წულაია
22.06.2022

საქართველოს ეროვნულმა ბანკმა მონეტარული პოლიტიკის განაკვეთი უცვლელად, 11%-ზე დატოვა. ეს კი იმის მანიშნებელია, რომ ინფლაციას ჯერჯერობით შემცირება არ უწერია. წელს ამის იმედი არავის უნდა ჰქონდეს, თუმცა გაისად შეიძლება ვითარება რადიკალურად შეიცვალოს. მიუხედავად იმისა, რომ ქვეყანაში კარგა ხანია ორნიშნა ინფლაციაა, ეკონომისტთა ნაწილი 2023-ში დეფლაციურ გარემოს არ გამორიცხავს.

თიკა სიბოშვილი
22.06.2022

დიზელის საწვავის იმპორტი ბოლო პერიოდში იკლებს, თანაც უკვე დეფივიტურიც გახდა და ამის გამო საცალო ქსელში ფასი შესამჩნევად გაიზარდა და უკვე 4.40 ლარს მიაღწია. თუ ასე გაგრძელდება, სურსათზე ფასების დაჭერა გართულდება და შესაძლებელია გაძვირების პროცესი დაიწყოს. „რეზონანსი“ შეეცადა გაერკვია, როდემდე გაგრძელდება მსგავსი მდგომარეობა და შესაძლოა თუ არა, რომ კიდევ უფრო მეტად გაიზარდოს საწვავის ფასი?

რეზონანსი
22.06.2022

ამერიკის შეერთებული შტატების საერთაშორისო განვითარების საფინანსო კორპორაციამ (DFC) და „ამერიკულმა ჰოსპიტალმა თბილისი“ (AHT) ტექნიკური დახმარების ახალი პროგრამა დააანონსეს. პროგრამის ფარგლებში, საქართველოში მყოფი უკრაინის მოქალაქეები, სამედიცინო დახმარებას ამერიკულ ჰოსპიტალში მიიღებენ. ამჟამად, საქართველოში, 28 ათასი უკრაინელი დევნილი იმყოფება. საგრანტო ხელშეკრულების ხელმოწერის ცერემონია 22 ივნისს, „ამერიკულ ჰოსპიტალ თბილისში“ გაიმართა. ხელშეკრულებას ხელი მოაწერეს DFC-ის აღმასრულებელმა დირექტორმა - სკოტ ნათანმა და „ამერიკული ჰოსპიტალი თბილისის“ დირექტორთა საბჭოს თავმჯდომარემ - გრეგორი კუნცმა.

ქეთო გოგოხია
21.06.2022

თბილისის მოსახლეობისთვის პურის ფასის შენარჩუნების ყველა რესურსი ამოწურულია. მწარმოებლების  ნაწილმა პური 10 თეთრით უკვე გააძვირა და ივლისიდან შესაძლოა, ფასები მასობრივად გაიზარდოს. ამის მიზეზი კომერციული სექტორისთვის გაზის ტარიფის ზრდაა. თუკი რეგიონებს „სოკარმა“ შეღავათი დაუწესა და 1 კუბმეტრის ღირებულება 1,15 თეთრს არ გადააჭარბებს, „თბილისი ენერჯი“ არანაირ დათმობას არ აპირებს.


Copyright © 2006-2022 by Resonance ltd. . All rights reserved
×