პლასტმასის ბოთლებზე შეზღუდვა წესდება. ახალი რეგულაციებით სწრაფი კვების ობიექტებში, სასტუმროებსა და რესტორნებში პლასტიკური ბოთლებით სასმლის გაყიდვა აიკრძალება. იგივე პირობები გავრცელდება საბიუჯეტო ორგანიზაციებზე. 

„ოცნებაში" აცხადებენ, რომ საქართველოს მოსახლეობისთვის ევროკავშირთან უვიზო მიმოსვლის შეჩერების საკითხი საბოლოოდ ჩავარდა, რისთვისაც მადლობასაც კი უხდიან შესაბამის ქვეყნებს, რომლებიც მხარს არ უჭერენ ამ სანქციას. ახალი რეგულაციები, რომელიც ვიზლაიბერალიზაციის შეჩერებას ამარტივებს, ნოემბრიდან შევა ძალაში და როგორც თავად ბლოკში განაცხადეს, ეს საქართველოს კონტექტში სავიზო შეზღუდვები „გარკვეულ ჯგუფებს" შეიძლება შეეხოს - ევროკომისია უვიზო რეჟიმის შეჩერების მექანიზმის შესახებ ანგარიშს წლის ბოლომდე წარადგენს.

უცხოურ მედიაში ვრცელდება ცნობა, რომ რუსეთმა თავისი ნავთობი გადასამუშავებლად საქართველოში, კერძოდ ყულევში ჩაიტანა. ეს ინფორმაცია მნიშვნელოვან შეუსაბამობას შეიცავს, თუმცა, თუკი დასავლური სამქციების ქვეშ მყოფი რუსული მავთობი მართლაც აღმოჩნდა ყულევში, ამას, შესაძლოა, საქართველოსთვის გარკვეული სანქციების დაწესება მოყვეს.

ეპქსპრემიერ ღარიბაშვილისა და „ოცნების" სხვა მაღალჩინოსნების სახლებში ჩხრეკის შემდეგ 5 დღე გავიდა, თუმცა კითხვებზე, რომელიც ამის შედეგად გაჩნდა, კვლავ არაა პასუხი გაცემული. გაურკვეველია რა მუხლით მიმდინარეობს გამოძიება და რა სტატუსი აქვთ მასში ყოფილ მაღალჩინოსნებს.

აქციებისა და მანიფესტაციების შესახებ კანონის გამკაცრების შემდეგ, ხელისუფლების წინააღმდეგ გამართული ყოველდღიური აქციების ინტენსივობა და მასშტაბები თვალსაჩინოდ მცირდება. თავად ხელისუფლების ოპონენტებშიც უკვე ისმის მოსაზრება, რომ ყოველ საღამოს რუსთაველის გამზირის გადაკეტვა არ იწვევს სასურველ ეფექტს და საჭიროა ახალი სტრატეგიის შემუშავება.

რუსეთის საგარეო საქმეთა მინისტრ სერგეი ლავროვისა და აშშ-ის სახელმწიფო მდივან მარკო რუბიოს შეხვედრა, რომელიც პუტინ-ტრამპის სამიტამდე უნდა გამართულიყო, გაურკვეველი ვადით გადაიდო. ეს კი, თავის მხრივ, მომავალ კვირას ბუდაპეშტში დაგეგმილ დონალდ ტრამპისა და ვლადიმირ პუტინის შეხვედრას  კითხვის ქვეშ აყენებს. 

წარმოების სფერო მუშახელის დიდ დეფიციტს განიცდის. ამ მხრივ განსაკუთრებით სამკეერვალო სფეროს გაუჭირდა, სადაც კრიზისის ნიშნებია. იმის გამო, რომ კომპანიებს თვითღირებულების ხარჯი გაეზარდათ, ეს თითქმის ყველაფერზე აისახა. გარდა ამისა, უცხოელების მხრიდანაც შეკვეთებმა იკლო, რაზეც გავლენა არასტაბილურმა ვითარებამ იმოქმედა. აღნიშნულთან დაკავშირებით სექტორში უკვე ღიად საუბრობენ. 

ევროკავშირის საგარეო საქმეთა მინისტრების 20 ოქტომბრის შეხვედრაზე, სადაც საქართველოს საკითხზეც იყო მჯელობა, გაირკვა, რომ ნოემბერში ვიზებზე ახალი რეგულაციების ძალაში შესვლის შემდგომ, შესაძლოა, ევროკავშირმა უვიზო მიმოსვლის შეჩერების გადაწყვეტილება გარკვეულ ჯგუფებთან დაკავშირებით მიიღოს და არა მთლიანად საქართველოს მოსახლეობის.

შრომის ბაზარზე კადრების დეფიციტთან დაკავშირებული პრობლემა შეიძლება მოგვარდეს. ამის შესაძლებლობას იძლევა რეგიონებში უმაღლესი სასწავლებლების როლის გაძლიერება, რაც განათლების რეფორმის ერთ-ერთი მიმართულებაა. დიდი ალბათობით, გადაწყვეტილება რეგიონებს ეკონომიკურად უფრო აქტიურს გახდის და წარმოების განვითარებასაც გარკვეულწილად ხელს შეუწყობს.

ევროკავშირი შეთანხმდა, 2028 წლის პირველი იანვრისთვის ეტაპობრივად შეამციროს რუსული გაზის იმპორტი. ევროკავშირის ენერგეტიკის მინისტრებმა ამ წინადადებას დღევანდელი მინისტერიალზე დაუჭირეს მხარი. მინისტერიალზე დაამტკიცეს გეგმა, რომლის თანახმადაც, რუსულ ნედლეულზე ეტაპობრივად უარის თქმა ახალი კონტრაქტებისთვის - 2026 წლის იანვრიდან, უკვე არსებული მოკლევადიანი კონტრაქტებისთვის - 2026 წლის ივნისიდან, ხოლო გრძელვადიანი კონტრაქტებისთვის 2028 წლის იანვრიდან დაიწყება.

სომხეთის სიდიდით მეორე ქალაქ გიუმრიში, ოპოზიციონერი მერის ვარდან ღუკასიანის დაკავების შემდეგ, პოლიციასა და მერის მხარდამჭერებს შორის დაპირისპირება მოხდა. დაკავებული მერი ერევანში გადაიყვანეს. სომხური მედიის ინფორმაციით, ღუკასიანი ქრთამის აღების ბრალდებით დააკავეს, ხოლო მისი მხარდამჭერები საპროტესტო აქციებს მართავენ.

გახარიას პარტიის მიერ მე-11 მოწვევის პარლამენტის ბოიკოტირების რეჟიმი დასრულებულია. პარტიამ პარლამენტში შესვლის გადაწყვეტილება მიიღო. შესაბამისი განცხადება პარტიის ერთ-ერთმა ლიდერმა გიორგი შარაშიძემ ბრიფინგზე გააკეთა. ოპოზიციაში გახარიას გადაწყვეტილებას „ღალატს" უწოდებენ, მმართველ გუნდში კი ამბობენ, რომ პარტიის შესვლა პარლამენტში არაფერს შეცვლის.