სწავლის დაწყებისას სტუდენტებს შესაძლოა, საცხოვრებელი სახლის მოძიება, წინა წლების მსგავსად, ამჯერადაც გაუჭირდეთ. მართალია, წელს უძრავი ქონების ბაზარზე მიგრანტების ეფექტი ნაკლებია, თუმცა სფეროში მოლოდინი შეიცვალა და ითქვა, რომ უცხო ქვეყნის მოქალაქებიის მხრიდან მოთხოვანა შესაძლოა, ისევ გაიზარდოს, რაც ქართველ სტუდენტებს ბინის დაქირავების ან დაგირავების მხრივ პრობლემებს შეუქმნის. 

უკვე მეოთხე დღეა, უკრაინელების შეტევა რუსეთის ტერიტორიაზე, კურსკის ოლქში, აქტიურად მიმდინარეობს. 11 აგვისტოს გამთენიისას მათ ბელგოროდის ოლქზეც სცადეს შეტევა. რეიდში ქართველი მოხალისეებიც მონაწილეობენ. ადგილობრივ მოსახლეობაში ისევ პანიკაა. ისინი ამბობენ, რომ რუსული მედია არ აშუქებს რეალურად რა მძიმე მდგომარეობაა. მათი ევაკუაცია არაორგანიზებულად მიდის. ანალიტიკოსები იმასაც ვარაუდობენ, რომ პუტინის ზეწოლით, შესაძლოა, ომში ბელარუსიც ჩაებას.

როგორ აღიქმება ქართულ საზოგადოებაში დასავლელი პოლიტიკოსების მხრიდან საქართველოს პრეზიდენტის ღია მხარდაჭერა და ხშირი კონტაქტები? ანალიტიკოსთან შეფასებით, აშშ და ზოგადად დასავლეთი საპარლამენტო არჩევნების წინ ფსონს უკვე ღიად დებს პრეზიდენტ სალომე ზურაბიშვილზე და ამას განსაკუთრებული მნიშვნელობა სწორედ არჩევნებზე ექნება.

სპეცრაზმელი, რომელსაც ბრალად თანასოფლელის,  55 წლის რევაზ მიხანაშვილის სასტიკი ცემა ედება, მოსამართლემ წინასწარ პატირმობაში გაუშვა. თავდაპირველად დემეტრე რევაზაშვილი ამტკიცებდა, რომ მეზობელი არ უცემია და ის თავად წაიქცა, თუმცა გამოძიება ამ ვერსიას არ ეთანხმება.

ოკუპირებული აფხაზეთის დე ფაქტო საგარეო საქმეთა მინისტრი სერგეი შამბა ამბობს, რომ ოჩამჩირეში რუსული სამხედრო-საზღვაო ბაზა არ განთავსდება, თუმცა იქამდე, ჯერ კიდევ 2023 წლის 5 ოქტომბერს ე.წ. პრეზიდენტმა ასლან ბჟანიამ თქვა, რომ ეს შესაძლებელია. ანალიტიკოსები ვარაუდობენ, რომ შამბამ ამით ბჟანიას შეცდომის გამოსწორება სცადა. ოჩამჩირეში კი სრულფასოვანი სამხედრო ბაზის შექმნა, ბუნებრივი პირობებიდან გამომდინარე, ფიზიკურად შეუძლებელია.

„როდესაც ცნობილია „ოცნების" დამოკიდებულება ამერიკის, ევროპის და ევროკავშირის წევრი ქვეყნების ხელისუფლებებთან, ასევე თვითონ ევროკავშირთან, არავითარ წევრობაზე და ნატოზე ლაპარაკი არ შეიძლება და ეს საკითხი არ დგას", - აცხადებს პოლიტოლოგი იგორ კვესელავა, რომელსაც „რეზონანსი" ქვეყანაში მიმდინარე პოლიტიკურ პროცესებზე ესაუბრა.

ბათუმში, გოგოლის ქუჩაზე მდებარე „ლუკოილის" ბენზინგასამართ სადგურზე ორი დღის წინ ქურდობის მცდელობა იყო. ფაქტს კი დაცვის პოლიცია შეესწრო და დამნაშავის დაკავება სცადა. თუმცა თვითმხილველების თქმით, ბრალდებული გაიქცა, დაეცა და თავის არეში დაზიანებები მიიღო. მისი მდგომარეობა მძიმეა, იგი ბათუმის ერთ-ერთ კლინიკაშია გადაყვანილი. 40 წლამდე პირი, წარსულში რამდენჯერმეა ნასამართლევი.

უკრაინის შეიარაღებული ძალები რუსეთში, კურსკის ოლქში უკვე 100 კვადრატულ კილომეტრს აკონტროლებენ - ინფორმაციას ამერიკული „ვაშინგტონ პოსტი“ უკრაინის პრეზიდენტ ვოლოდიმირ ზელენსკის მრჩევლზე დაყრდნობით ავრცელებს.

14-წლიანი პაუზის შემდეგ სერგეი შამბა აფხაზეთის დე ფაქტო რესპუბლიკის საგარეო საქმეთა მინისტრის პოსტს დაუბრუნდა. ყოფილი სახელმწიფო მინისტრი და კონფლიქტოლოგი პაატა ზაქარეიშვილი ამის მიზეზად რუსეთის სურვილს და აფხაზეთში საკადრო კრიზისს უკავშირებს. მიაჩნია, რომ შამბას ამ პოსტზე დანიშვნა კარგია, თუმცა არა ჩვენი არჩევნების წინ.

კურსკის ოლქში უკრაინული ნაწილების შეჭრა ნამდვილი შოკი აღმოჩნდა რუსული სარდლობისა და ქვეყნის პოლიტიკური ხელმძღვანელობისათვის. მოსახლეობაში პანიკაა. უკრაინელთა შესაჩერებლად „კადიროველებიც" კი გადაისროლეს, მაგრამ ჯერჯერობით უშედეგოდ. ანალიტიკოსთა ნაწილი მიიჩნევს, რომ ამ საბრძოლო ოპერაციის საბოლოო მიზანი სამშვიდობო მოლაპარაკების დაწყება და ამ მოლაპარაკებისათვის უკრაინის მომგებიან პოზიციაში ყოფნის უზრუნველყოფაა. ამაზე კიევში გაკეთებული ოფიციალური განცხადებებიც მიანიშნებს.

საზღვაო კურორტებზე წელს არნახულად დიდი მოთხოვნაა. სასტუმროების უმეტესობა მაღალი დატვირთვით მუშაობს, რამაც გარკვეული გავლენა ფასებზეც მოახდინა და დაახლოებით 20%-ით გააძვირა. განსაკუთრებით ეს იგრძნობა ზღვისპირა კურორტებზე, მთიან რეგიონებში ამ მხრივ ცვლილება არ არის, რაც გარკვეულწილად, გამოწვეულია იმითაც, რომ ზღვასთან შედარებით, ამ სეგმენტში ნაკლები აქტივობაა.

საცობი, თბილისის მსგვასად, ბათუმისთვისაც ყოველდღიურობად იქცა. განსაკუთრებული პრობლემა ტურისტულ სეზონზეა, თუმცა შავი ზღვისპირეთში გადატვირთული მოძრაობა სხვა პერიოდშიც ხშირია. ამიტომ სპეციალისტები ამბობენ, რომ ქალაქის განტვირთვა აუცილებელია. ითქვა, რომ ბათუმის შემოვლითი გზა, რომლის მშენებლობაც მიმდინარეობს, გადატვირთულ მოძრაობას 40%-ით შეამსუბუქებს.