გერმანიის ელჩი პეტერ ფიშერი საქართველოში დაბრუნდა და მოვალეობის შესრულებას აგრძელებს. თბილისში მის დაბრუნებას გერმანიის საგარეო უწყებიდან განცხადება მოჰყვა - სამინისტრო საქართველოს ხელისუფლებისგან მოელის, რომ „ელჩზე პერსონალური თავდასხმები თავიდან იქნება არიდებული" და შემდგომ დასკვნებს აქედან გამოიტანს. მათივე ცნობით, ელჩის დაბრუნებასთან ერთად „გაიმართა საუბრები საქართველოს მთავრობასთან".

ოპოზიცია პრემიერ ირაკლი კობახიძის ცნობილი განცხადების წლისთავთან დაკავშირებოთ, 28 ნოემბერს, ახალ დიდ აქციას გეგმავს. ხელისუფლება კი ოპონენტების აქტიურობას ახალ საინფორმაციო კამპანიით ხვდება - მმართველ პარტიაში ამბობენ, რომ ერთწლიანი ანტისახელისუფლებო გამოსვლების რეალური საფუძველი არ არსებობდა, რადგან კობახიძის განცხადებამდე 5 თვით ადრე თავად ევროკავშირმა გადაწყვიტა საქართველოს ინტეგრაციის შეჩერება.

საჯარო მოხელეებისთვის ანაზღაურებად თანამდებობებზე დასაქმების შეზღუდვა გაბერილი შტატების შემცირებას გამოიწვევს. მოჰყვება თუ არა ამას ხელფასების ზრდა, სპეციალისტები ჯერჯერობით ვერ აკონკრეტებენ, თუმცა გადაწყვეტილება არაერთგვაროვნად ფასდება და მწვავე კრიტიკასთან ერთად, დადებითი გამოხმაურებაც საკმარისადაა. 

ფულის დახურდავების უარის თქმის გამო დაწყებული ჩხუბი, რომელიც ფიზიკურ დაპირისპირებაში გადაიზარდა - დაკავებულია რამდენიმე პირი, მათ შორის საზოგადოებისთვის ცნობილი სახეები. ჯგუფური ძალადობის ორგანიზებაში ბრალდებულის, მანანა (მანჩო) გიორგობიანის სასამართლო სხდომა დღეს გაიმართა. სასამარლოზე გაჟღერდა, რომ მის მიმართ ფსიქიატრული ექსპერტიზაა ჩანიშნული, რაზეც გიორგობიანმა თქვა, რომ „გიჟი არ არის და 30 წელია ნარკოტიკებს მოიხმარს".

უკრაინის ქალაქ პოკროვსკში ვითარება ისევ კრიტიკულია. რუსული და უკრაინული წყაროები მდგომარეობას დიამეტრულად აფასებენ. რუსები საუბრობენ, რომ პოკროვსკისთვის ბრძოლა კულმინაციას უახლოვდება, რის შემდეგაც მათ საშუალება ექნებათ ოპერატიულ სივრცეზე გავიდნენ და დონბასის ორი დარჩენილი ქალაქი - სლოვიანსკი და კრტამატორსკი აიღონ. უკრაინული უსაფრთხოების სამსახურის ინფორმაციით კი მტრის ათასობით ჯარისკაცი და საბრძოლო ტექნიკა გაანადგურეს

აშშ ცენტრალური აზიის 5 ქვეყანასთან სავაჭრო შეთანხმებას აფორმებს, რომელიც მათ აზერბაიჯანთან და სომხეთთან დააკავშირებს. საუბარია ტრანსკასპიურ სატრანსპორტო მარშრუტზე, რომლითაც შუა აზიის ქვეყანები ე.წ. ზანგეზურის დერეფანს დაუკავშირდება. ვაშნგტონში შესაბამისი დოკუმენტის ხელმოწერის დროს საქართველოს პრემიერი ირაკლი კობახიძე, სამთავრობო დელეგაციასთან ერთად, ჩინეთში იმყოფებოდა.

თბილისის საქალაქო სასამართლომ ე.წ. საბოტაჟის საქმეზე „ლელო ძლიერი საქართველოს" ლიდერებს, მამუკა ხაზარაძესა და ბადრი ჯაფარიძეს, პროკურატურის შუამდგომლობით, თითო მილიონი ლარის გირაო შეუფარდა. დანარჩენი ოპოზოციონერები ჯერჯერობით ისევ ციხეში არიან. რა სავარაუდო პრინციპით იქნა გადაწყვეტილება მიღებული?

პრემიერის შეფასებით, პეკინთან ურთიერთობის გაღრმავება ჩვენთვის განსაკუთრებით ღირებულია. ირაკლი კობახიძე ამბობს, რომ ჩინეთთან გვაქვს საერთო ღირებულებები, სტრატეგიული პარტნიორობა, რაც „გვეხმარება დაკავშირებადობის განვითარებაში, ეკონომიკის გაძლიერებაში, პოლიტიკური პოზიციების განმტკიცებაში".

8 პოლიტიკური ლიდერის სამართლებრივი დევნის ფონზე, „ოცნება" ვაშინგტონს სტრატეგიული პარტნიორობის აღდგენასა და ურთიერთობების ახალი ფურცლიდან დაწყებას სთავაზობს. პრემიერ ირაკლი კობახიძეს არ ჰგონია, რომ ევროკავშირის ინტერესებშია საქართველოს მთავრობოს დამხობა, მაგრამ დარწმუნებულია, რომ „აშკარა გავლენა არსებობს". ანალიტიკოსები ფიქრობენ, რომ პოლიტიკოსების სამართლებრივ დევნაზე დასავლეთიდან ტრადიციულად უარყოფითი რეაქცია წამოვა.

პროკურატურამ რვა ოპიზიციონერი პოლიტიკოსის წინააღმდეგ სისხლის სამართლებროვი დევნა დაიწყო და მათ, არც მეტ არც ნაკლები, სახელმწიფოს წინააღმდეგ ჩადენილ დანაშაულში სდებს ბრალს. სიიდან ექვსი უკვე ციხეშია, დანარჩენი ორის - „ლელოს" ლიდერების, მამუკა ხაზარაძისა და ბადრი ჯაფარიძის მიმართ, უწყება სასამართლოს აღკვეთის ღინისძიების სახით გირაოს გამოყენების შუამდგომლობით მიმართავს.

ანალიტიკოსი რამაზ საყვარელიძე ფიქრობს, რომ ხელისუფლების ხისტი ნაბიჯები ოპოზიციის წინააღმდეგ სწორედ ამ უკანასკნელის ბრალია, რომელმაც მთავრობა „აიძულა", მათ წინააღმდეგ ემოქმედა - ასე აფასებს ის პროკურატურის გადაწყვეტილებას, ოპოზიციის რვა ლიდერის მიმართ დევნის დაწყებაზე.

სუპერმარკეტ „სპარის" თანამშრომლებზე მოწყობილი ჯგუფური ანგარიშწორების საქმეზე უკვე ხუთი პირია დაკავებული, მათ შორის ერთ-ერთი მომღერალ მამუკა ჩარკვიანის შვილი, ჯაკო ჩარკვიანია. გამოძიება სსკ-ის 225-ე და 126-ე მუხლებით მიმდინარეობს, რაც ჯგუფურ ძალადობასა და ჯგუფური ძალადობის ორგანიზებას გულისხმობს.

საქართველოს პრემიერ-მინისტრი, ირაკლი კობახიძე, მთავრობის წევრებთან და ბიზნესმენებთან ერთად, ჩინეთში იმყოფებოდა. ქართული კომპანიები  შანხაიში, ჩინეთის საერთაშორისო იმპორტის გამოფენაზე სამი პავილიონით წარსდგნენ. ამ გამოფენაზე პროდუქცია 40-მა ქართულმა კომპანიამ წარადგინა. „რეზონანსი“ დაინტერესდა, რა პერსპექტივა აქვთ ქართულ კომპანიებს ჩინეთის მილიარდ-ნახევრიან ბაზარზე? ეკონომისტები და დარგის სპეციალისტები დაუფარავად აცხადებენ, რომ საქართველოსა და ჩინეთის პრემიერ-მინისტრების შეხვედრა, ასევე მხარეებს შორის გაფორმებული მემორანდუმები ნამდვილად იძლევა ახალ საექსპორტო შესაძლებლობას. 

აცივებასთან ერთად, ბუნებრივი აირის უსაფრთხოების საკითხი გააქტიურდა. მართალია, წინა წლებისგან განსხვავებით, გაზის გაჟონვის ფაქტებმა იკლო, თუმცა რისკი მაინც დიდია. განსაკუთრებით ეს ეხება გაქირავებულ ბინებს, რომლის მობინადრეებიც ყველაზე მეტად არიან საფრთხეში, ამიტომ მნიშვნელოვანია შესაბამისი ზომების მიღება და უსაფრთხოება ბუნებრივ აირთან მიმართებით.

საქართველოს ეროვნულ ბანკს ინფლაციის მართვის სადავები ხელიდან გაექცა და როგორც ჩანს, მის მართვას კიდევ დიდხანს ვერ შეძლებს. სებ-მა უკვე გაზარდა 2025 წლის ინფლაციის საშუალო მაჩვენებლი და გაისადაც ფასების უფრო მეტად ზრდას ვარაუდობს, ვიდრე აქამდე პროგნოზირებდა. ვითარება უკვე ძალიან დამაფიქრებელია. მონეტარული პოლიტიკის კომიტეტის გადაწყვეტილებიდან გამომდინარე, ეკონომისტების ნაწილი მიიჩნევს, რომ ქვეყნის ცენტრალური ბანკი, კონსტიტუციით გაწერილ მისსავე უფლებას - მართოს ინფლაცია - ვერ ასრულებს. 

2026 წლის იანვრიდან, 70 წლამდე პირთა პენსია - 20 ლარით, ხოლო 70 წლისა და მეტი ასაკის პენსიონერთა პენსია - 45 ლარით გაიზრდება. 70 წლამდე პირთა პენსია 370 ლარს, ხოლო 70 წლის და მეტი ასაკის პენსიონერთა პენსია - 495 ლარს მიაღწევს. პენსია მაღალმთიან დასახლებებში 70 წლამდე - 444 ლარს, ხოლო 70 წლის და მეტი ასაკის პენსიონერთათვის 594 ლარს გაუტოლდება. სპეციალისტები აზრით, კარგი იქნება, თუ ნომინალური პენსია 20 ლარის ნაცვლად, 35 ლარით გაიზრდება, ხელისუფლების წარმომადგენლები კი ამას ციფრებით მანიპულირებას უწოდებენ. 

კრიპტოვალუტის ცენტრების მხრიდან ელექტროენერგიის ჭარბი მოხმარება ენერგოსექტორს და მთლიანად ქვეყნის ეკონომიკას საფრთხეს უქმნის. იმის გამო, რომ კრიპტოვალუტის გამომუშავება დიდ ელექტროენერგიას მოითხოვს, ხოლო სექტორი გადასახადისგან თავისუფალია, ენერგოსისტემა შეიძლება გამოუვალ სიტუაციაში აღმოჩნდეს. კოლოსალურ მოგებაზე გასული ბიზნესს ეკონომიკისთვის, ფაქტობრივად, არანაირი სარგებელი არ მოაქვს და არაფერს იხდის ბიუჯეტში, რაც ცალკე პრობლემაა.

სიღნაღის მუნიციპალიტეტში ცხელ კვალზე დაკავებულ 43 წლის ზ.ზ.-ს შესაძლოა უვადო პატიმრობა მიუსაჯონ. გამოძიების თანახმად, მან შურისძიების მოტივით სანადირო თოფით ჯერ მეგობარი მამაკაცი თ.ღ. მოკლა, შემდეგ კი ყოფილი ცოლი ნ.კ. დაჭრა, რომელიც ახლა სიცოცხლისთვის იბრძვის.

უკრაინის აღმოსავლეთ ფრონტზე, სტრატეგიულად მნიშვნელოვანი ქალაქი პოკროვსკი (ყოფილი კრასნოარმეისკი) უკვე თვეებია სასტიკი შეტაკებების ეპიცენტრია. ბოლო დღეების ანგარიშების თანახმად, სიტუაცია ქალაქში კრიტიკულად მძიმდება, რასაც რუსული და დასავლური მედია სხვადასხვაგვარად აფასებენ.

უკრაინის აღმოსავლეთით, პოკროვსკის მიმართულებაზე ბრძოლები მწვავდება -მოსკოვი ალყაზე საუბრობს, კიევი კი უარყოფს. ექსპერტები ამბობენ, რომ ფრონტის ამ მონაკვეთზე ვითარება შესაძლოა დონბასის ბრძოლისათვის გადამწყვეტ ნაწილად იქცეს, რა ვითარებაა ადგილზე და რა ინფორმაციები ვრცელდება ფრონტის ხაზიდან?