პოლიციამ ოპოზიციური პარტიების ოფისები გაჩხრიკა, დაკავებულია "კოალიცია ცვლილებებისთვის" ლიდერი ნიკა გვარამია და ოპოზიციის სხვა პირები, პროცესს წინ უძღვოდა პრემიერ-მინისტრ ირაკლი კობახიძის განცხადება, სადაც ამბობს, რომ "ოპოზიციის და მდიდარი "ენჯეოების" ლიდერები პასუხისმგებლობას ვერ გაექცევიან".

ჩვენ გვაწუხებს ის, რაც საქართველოში ხდება, - ამის შესახებ ნატოს გენერალურმა მდივანმა, მარკ რუტემ საქართველოსა და მოლდოვაში ჩატარებულ არჩევნებში რუსეთის შესაძლო ჩარევის ცნობებთან დაკავშირებით დასმულ შეკითხვას უპასუხა. მისი თქმით, შეწუხებულია იმით, რაც საქართველოში ხდება.

საქართველოს ეკონომიკა იზრდება. პოლიტიკური არეულობის მიუხედავად, მთავრობას მოლოდინი აქვს, რომ ქვეყნის განვითარება არ შეფერხდება და ეკონომიკური ზრდა გაგრძელდება. იგივე ფიქრობენ ეკონომისტებიც და მათი მოლოდინით, წლის ბოლოს ორნიშნასთან მიახლოებული მაჩვენებლით გაიზრდება ეკონომიკა. 

ზუსტად ერთი კვირაა, რაც პრემიერ-მინისტრის ირაკლი კობახიძის განცხადების შემდეგ, ქვეყანაში უწყვეტი პროტესტი და წინააღმდეგობებია. პროტესტანტები გაჩერებას და არაფრის დათმობას არ აპირებენ და როგორც ხელისუფლების განცხადებიდან ჩანს, არც ის იხევს უკან. ანალიტიკოსები რამდენიმე სცენარზე საუბრობენ, რომელიც ყველაზე ჩიხურ სიტუაციაში შეიძლება განვითარდეს.

როგორც ვხვდები, საქართველოს ამჟამინდელ მთავრობას არ სურდა ევროკავშირში შესვლასთან დაკავშირებით მოლაპარაკებების შეწყვეტა, მაგრამ იყო ბევრი საკითხი, სადაც აშშ-სა და საქართველოს შორის ურთიერთობები გაუარესებული იყო. ვიცით, რომ ტრამპის ახალ ადმინისტრაციასთან ერთად, ეს გაუმჯობესდება და ჩვენ ვაპირებთ, დაგეხმაროთ მოლაპარაკებების კვლავ გახსნაშო", - ამის შესახებ კიმბერლი ლოუმ განაცხადა, რომლის თქმით, შესაძლოა ის ტრამპის ადმინისტრაციის ევროკავშირში წარმომადგენლად განიხილებოდეს.

მმართველ პარტიაში მიიჩნევენ, რომ ქვეყანაში დაძაბულობის პიკი გადავლილია და „ნაცმაიდანი" ჩავარდა. ოთხშაბათს საღამოს კი დაგეგმილია მნიშნელოვანი პოლიტიკური დებატები პირდაპირ ეთერში პრემიერ-მინისტრისა და პარლამენტის თავმჯდომარის მონაწილეობით. ანალიტიკოსთა შეფასებით, ეს ყველაფერი მიუთითებს ხელისუფლების მცდელობაზე, რომ პროტესტი ქუჩიდან გადავიდეს მოლაპარაკებების მაგიდასთან და დებატების ჭრილში.

ხელისუფლებამ მწვავე კრიზისის განმუხტვისა და მოვლენების საკონსტიტუციო ჩარჩოში დაბრუნების შანსი თავადვე მოსპო - ასე აფასებს ოპოზიცია და პოლიტიკურ ანალიტიკოსთან ნაწილი საკონსტიტუციო სასამართლოს გადაწყვეტილებას, რომელმაც 26 ოქტომბრის საპარლამენტო არჩევნებთან დაკავშირებით პრეზიდენტისა და 30 ოპოზიციონერი დეპუტატის სარჩელი წარმოებაში არ მიიღო.

რუსეთის სათათბიროს დეპუტატი დსთ-ს საკითხებისა და ევრაზიული ინტეგრაციის კომიტეტის თავმჯდომარე ლეონიდ კალაშნიკოვი აცხადებს, რომ „რუსეთი მზადაა დაეხმაროს ქართველებს ჯარით", თუ პროტესტი გაძლიერდება. ანალიტიკოსთა შეფასებით, ერთი შეხედვით, კალაშნიკოვი რუსეთის ხელმძღვანელობაში საკვანძო ფიგურა არაა და შესაბამისად მის განცხადებასაც გადამწყვეტი მნიშვნელობა არ ჰქონდეს, თუმცა კრემლს ბევრი გამხმოვანებელი ჰყავს და არაა გამორიცხული, რომ თუ „საქართველო დესტაბილიზაციამ მოიცვა", ეს რუსეთმა გამოიყენოს .

„ქართულ ოცნებას" ისევ იმედი აქვს, რომ აშშ-ის მომავალი პრეზიდენტის, დონალდ ტრამპის ინაუგურაციის შემდეგ, რომელიც 20 იანვარს შედგება, აშშ-საქართველოს ურთიერთობები გადაიტვირთება, ხოლო საქართველოსთან აშშ-ის სტრატეგიული პარტნიორობის შეჩერება დროებითი მოვლენაა. თუმცა, თავად აშშ-ში აცხადებენ, რომ „დონალდ ტრამპი დადგება ქართველი ხალხის გვერდით და არა რეჟიმთან, რომელმაც არჩევნები გააყალბა".

ევროკავშირის მხრიდან სანქციების დაწესებას 27 სახელმწიფოს თანხმობა სჭირდება, თუმცა, საქართველოს საკითხზე უნგრეთის პოზიციის გამო კონსენსუსი არ არსებობს, ამიტომ ბლოკის წევრმა სამმა ქვეყანამ ინდივიდუალურად გადაწყვიტეს ეროვნული სანქციები დაუწესონ მათ, ვინც საქართველოში საპროტესტო აქციების "ჩახშობაში მონაწილეობს".

რუსეთის კურსკის ოლქში 11 ათასზე მეტი ჩრდილოეთ კორეელი ჯარისკაცია და მათ უკვე მიიღეს მონაწილეობა უკრაინის ძალების წინააღმდეგ ბრძოლებში, - ამის შესახებ ინფორმაცია უკრაინის შეიარაღებული ძალების გენერალურმა შტაბმა გაავრცელა. უკრაინული მედიის ცნობით, ეს შეიარაღებული ძალების გენერალური შტაბის ხელმძღვანელმა, ანატოლი ბარგილევიჩმა თქვა.

მკვეთრად გაუფასურებული ლარი საკმაოდ სწრაფად მყარდება. პოლიტიკური მოვლენებისადმის ყველაზე მრძნობიარე მიმართულება ეტაპობრივად სტაბილურდება, მთავრობაში ითქვა, რომ ეროვნულ ვალუტას არანაირი საფრთხე არ ელის. ამ მოსაზრებას ეკონომისტბიც იზიარებენ და მიიჩნევენ, რომ პოლიტიკური არეულობის დასრულებისთანავე, კურსი ისევ გამყარებისკენ წავა. 

გაზაფხულის აქციების მსგავსად, პოლიტიკაში ბიზნესის ჩარევის მცდელობა მიმდინარე პერიოდშიც გამოიკვეთა. გუშინ პრემიერმა განაცხადა, რომ კერძო სექტორზე ზეწოლა და შანტაჟი მიმდინარეობს, რათა პოლიტიკური განცხადებები გაკეთდეს. რა თქმა უნდა, ისე, როგორც ყველას, კერძო სექტორსაც აქვს საკუთარი მოსაზრების დაფიქსირების უფლება, თუმცა სპეციალისტები ამბობენ, რომ ზეწოლა და წნეხი დაუშვებელია. 

პირველი დარგი, რომელმაც პოლიტიკური ქაოსის გამო დარტყმა მიიღო, ტურიზმია. განსაკუთრებით სასტუმროები დაზარალდნენ, სადაც ვიზიტორების მკვეთრი კლებაა. ცენტრალურ უბანში მდებარე სასტუმროებთან ერთად, დანაკარგს განიცდიან პერიფერიებსა და რეგიონებში  მდებარე ობიექტები, სადაც ჯავშნები ერთიმეორის  მიყოლებით უქმდება.

ნამოხვანჰესის პროექტის შეუსრულებლობით  საქართველოს ენერგეტიკული სექტორიც ზარალდება და ბიუჯეტიც, რომელსაც წაგებული საარბიტრაჟო დავის გამო დიდი ფინანსური ტვირთი დააწვა. კომპანია "ენკამ" საქართველოს საერთაშორისო არბიტრაჟში 383.2 მილიონი დოლარი მოუგო. გარდა იმისა,  რომ ნამოხვანჰესის ინვესტორთან წააგო ქვეყანამ, დიდი საფრთხეა, ეს სხვა ინვესტორებისთვისაც გახდეს სიგნალი და სასამართლო დავა მათაც წამოიწყონ, რაც დიდი ალბათობით მოსალოდნელია კიდეც.

განათლების მინისტრ ლექსანდრე წულაძის გადაწყვეტილებით, 2025 წლის ერთიანი ეროვნული გამოცდების ქართული ენისა და ლიტერატურის პროგრამიდან ამოღებულია მნიშვნელოვანი ნაწარმოებები, შემცირებულია გრიგოლ ორბელიანის, ნიკოლოზ ბარათაშვილის, აკაკი წერეთლის, ილია ჭავჭავაძის, ვაჟა ფშაველას, გალაკტიონ ტაბიძის, გიორგი ლეონიძის შემოქმედების ნაწილი, სრულიად ამოღებულია ალექსანდრე ყაზბეგის, პაოლო იაშვილის და პოლიკარპე კაკაბაძის შემოქმედება.

ფემიციდის კიდევ ერთი უმძიმესი ფაქტი - ყოფილი ქმრის მიერ სასტიკად ნაცემი ქალი საავადმყოფოში გარდაიცვალა. ეს უმძიმესი დანაშაული 11 ნოემბერს მოხდა. კაცი ყოფილ ცოლს სასტიკად გაუსწორდა. ახალგაზრდა ქალი უმძიმეს მდგომარეობაში თბილისში გადმოიყვანეს. მის გადარჩენას მედიკოსები 10 დღის განმავლობაში ცდილობდნენ, თუმცა ვერ შეძლეს. ყოფილი ქმრის მიერ ნაცემი ქალი, მიღებული დაზიანებების შედეგად, საავადმყოფოში გარდაიცვალა.