სახელი*
    ელ–ფოსტა
    წერილის ტექსტი*
    საკონტროლო კოდი* კოდის განახლება
    გაგზავნა
    ნათია ლომიძე
    13.12.2017

     საქართველოს ეროვნულმა ბანკმა მონეტარული პოლიტიკა გაამკაცრა, მაგრამ ეს ინფლაციის მოსათოკად საკმარისი არ იქნება. პროდუქცია იმდენად გაძვირებულია, რომ მინიმალური ჩარევა შედეგს ვერ მოიტანს. ბიზნესი რეაგირებას არც ლარის გამყარების გამო მოახდენს.

    ნათია ლომიძე
    13.12.2017

     ლარის კურსი და არსებული ინვესტიციები დენის სამომხმარებლო ტარიფის ზრდაზე გარდამტეხ გავლენას იქონიებს. რამდენადაც ეროვნული ვალუტა ბოლო დღეებში საგრძნობლად მყარდება, ხოლო 2018 წლიდან 2,45-2,50-ის დიაპაზონს დაუბრუნდება, მისი წნეხი ტარიფზე მინიმუმამდე დავიდა. სემეკის წარმომადგენლები და ენერგეტიკოსები ამჯერად კომპანიების მიერ განხორციელებულ ინვესტიციებზე ამახვილებენ ყურადღებას.

    მარი ჩიტაია
    13.12.2017

     ლარის თავბრუდამხვევმა გამყარებამ კიდევ ერთხელ დაადასტურა, რომ კურსზე სპეკულაციური ფაქტორი მოქმედებს. აშკარაა, რომ ეროვნული ვალუტის გაუფასურება და გამყარება ეკონომიკური პროცესის დამოუკიდებლად მიმდინარეობს. ზუსტად ერთ დღეში კურსი ერთბაშად 8 პუნქტით გამყარდა. სპეციალისტების ნაწილი ამბობს, რომ ქვეყანაში არნახული სავალუტო სპეკულაციაა. ზოგი ასეთ მოსაზრებას ემიჯნება და კურსის ცვალებადობას უცხოელი ინვესტორების მიერ მოგების რეინვესტირებას უკავშირებს.

    მარი ჩიტაია
    12.12.2017

     დენის გადასახადის გაძვირების შემთხვევაში ფასის ზრდა მოსალოდნელია მრეწველობის ყველა იმ დარგში, რომლის საწარმოო პროცესში ელექტროენერგიის წილი მნიშვნელოვანია. საქართველოს ენერგეტიკის მარეგულირებელ კომისიაში ტარიფთან დაკავშირებული განხილვა დღეიდან იწყება. მოსალოდნელია, რომ გადასახადი მოიმატებს, რაც ენერგეტიკის სამინისტრომ ამ რამდენიმე დღის წინ, ფაქტობრივად, დაადასტურა.

    ნათია ლომიძე
    12.12.2017

     საქართველოში ინვესტიციების მოცულობა თანდათან მატულობს, მაგრამ წარმოების განვითარების მხრივ, პრაქტიკულად, არაფერი იცვლება. 2017 წლის 9 თვეში ქვეყანაში განხორციელებულმა პირდაპირმა უცხოურმა ინვესტიციებმა, ჯამურად, 1.346 მლრდ აშშ დოლარი შეადგინა, რაც წინა წლის შესაბამის მაჩვენებელს 2.9%-ით აღემატება. მრავალწლიანმა პრაქტიკამ დაადასტურა, რომ საქართველოში ინვესტიციების ოდენობა ასე თუ ისე მატულობს, მაგრამ სამუშაო ადგილების რაოდენობა არ იზრდება.

    თამუნა მუკბანიანი
    12.12.2017

     დედაქალაქში ხუთასზე მეტი ე.წ. "ხრუშჩოვკაა", მათი უმეტესობა ავარიულია და ექსპლოატაციის ვადა გასული აქვს. 1950-იან წლებში დროებით აშენებული სახლების ჩანაცვლება ყველა ხელისუფლების წინასაარჩევნო დანაპირებში ხვდებოდა, მათ შორის, მოქმედი მერისაც. ეს საკმაოდ რთული და ძნელი ამოცანაა, მერიისა და კერძო სექტორის ნაყოფიერი თანამშრომლობის პირობებშიც კი "ხრუშჩოვკების" შეცვლას რამდენიმე ათეული წელი დასჭირდება.

    მარი ჩიტაია
    09.12.2017

     ახალ წელს მოსახლეობა გაზრდილი კომუნალური გადასახადით შეხვდება. დენის ტარიფის მოსალოდნელ გაძვირებაზე უკვე მთავრობაშიც ალაპარაკდნენ. ენერგეტიკის სამინისტრომ ტარიფის ზრდა, ფაქტობრივად, დაადასტურა. "რეზონანსის" ინფორმაციით, ელექტროენერგია, სავარაუდოდ, 1-2 თეთრის ფარგლებში გაძვირდება. ენერგეტიკოსები ამბობენ, რომ ასეთი სატარიფო სხვაობა მძიმე ტვირთი იქნება ხალხისთვის, რასაც არ დაუშვებენ. ისინი ვარაუდობენ, რომ ტარიფი 0,5-1 თეთრის ფარგლებში შეიცვლება.

    ნათია ლომიძე
    09.12.2017

     ეროვნულმა ვალუტამ მოულოდნელად სწრაფი გამყარება დაიწყო და 1 დღეში ერთბაშად 3 პუნქტით გაძლიერდა. ეროვნულ ბანკსა და მთავრობაში ირწმუნებიან, რომ ლარმა არჩევნების შემდეგ გაუფასურება მოლოდინის გამო დაიწყო და ახლა ეს პერიოდი უკვე ჩავლილია. ეკონომისტები მიიჩნევენ, რომ ამჟამინდელი გამყარების პროცესი დროებითია და 14 დეკემბრიდან 10 იანვრამდე კურსის რყევას კიდევ უნდა ველოდოთ. რეალურად რა სჭირს ლარს, მისი ზუსტი დიაგნოზი ვერ ხერხდება.

    თამუნა მუკბანიანი
    09.12.2017

     საჯარო მოხელეების ანაზღაურების მუდმივმა ზრდამ უკვე საერთაშორისო ორგანიზაციებიც კი შეაშფოთა. საქართველოს მთავრობას 2018 წლის ბიუჯეტთან დაკავშირებით საერთაშორისო სავალუტო ფონდი რეკომენდაციას აძლევს, რომლის მიხედვითაც, საჯარო სექტორში ხელფასების ზრდა უნდა შეიზღუდოს.

    მარი ჩიტაია
    08.12.2017

     უახლოეს პერიოდში საქართველოში საწვავი არ გაძვირდება. მართალია, იმპორტიორების ნაწილს ფასის პროგნოზირება უჭირს, მაგრამ ნავთობპროდუქტების ბაზრებზე მიმდინარე ტენდენცია გვაფიქრებინებს, რომ მომდევნო რამდენიმე დღის განმავლობაში არსებული ფასი შენარჩუნდება. ამ ეტაპზე საწვავის ღირებულებაზე გავლენა ერთდროულად ორმა ფაქტორმა მოახდინა, როგორიცაა ფასების საერთაშორისო დინამიკა და ლარის კურსი.

    ნათია ლომიძე
    07.12.2017

     ბიუროკრატიული ხარჯები, შემცირების ნაცვლად, იზრდება. ბიუჯეტის პროექტის მიხედვით, 2018 წელს ადმინისტრაციული ხარჯი 77 მლნ ლარით იზრდება შრომის ანაზღაურებისა და სასაქონლო-მომსახურების ნაწილში. მთავრობის განცხადებები სრულიად განსხვავდება მისი მოქმედებისგან. რამდენიმე დღის წინ მინისტრები პირობას დებდნენ, რომ ხარჯების ოპტიმიზაციას მოახდენდნენ, მაგრამ სრულიად საპირისპირო ნაბიჯები გადადგეს.

    მარი ჩიტაია
    07.12.2017

     სხვადასხვა პრობლემის გამო რეგიონებში ციტრუსის კრეფა გვიანდება. სეზონი ჯერ კიდევ გრძელდება, მაგრამ პროცესი ცალკე ამინდის, ცალკე უხარისხო მოსავლის მიზეზით თითქმის ყველგან შეფერხდა. მართალია, ფასთან დაკავშირებით პრეტენზია არავის გამოუთქვამს, თუმცა ციტრუსის დაბინავებას გლეხები მაინც ერიდებიან. აჭარაში, გურიასა და სამეგრელოში ხალხი ამბობს, რომ, შარშანდელთან შედარებით, მოსავალიანობამ დაიკლო.


    Copyright © 2006-2018 by Resonance ltd. . All rights reserved