ახლა სასამართლომ უნდა დაადგინოს ვინ ამბობს სიმართლეს სკოლის მოსწავლე თუ პედოფილიაში მხილებული კაცი? ხაშურში მომხდარი მძიმე დანაშაულის ახალი დეტალები ხდება ცნობილი. პედოფილიის ბრალდებით დაკავებული 51 წლის კაცი, როემლსაც გამოძიება მისივე თანასოფლელის 16 წლის ბიჭის გაუპატიურებას ედავება, ბრალს არ აღიარებს. ის ამტკიცებს, რომ სკოლის მოსწავლემ ამბავი გამოიგონა და მსგავს ფაქტს ადგილი არ ჰქონია. ის სასამართლოზე მოსამართლეს არწუმნებდა, რომ მოზარდი ტყუილს ამბობდა. მიუხედავად ამისა, მოსამართლემ ის წინასწარ პატიმრობაში გაუშვა.  

უკრაინა ოკუპანტთა იერიშებს აღმოსავლეთის ფრონტზე იგერიებს - სუმის, ხარკოვის, ლუჰანსკის, დონეცკის, ზაპორიჟიეს, ხერსონისა და მიკოლაივის 100-ზე მეტი დასახლება საარტილერიო ცეცხლის ქვეშ არის  მოქცეული. 

დასავლური მედია წერს, რომ დიდი ალბათობით უკრაინა 2024 წელს აქტიურ თავდაცვაზე გადავა. სწორედ ამ სათაურით, „აქტიური თავდაცვა: როგორ აპირებს უკრაინა გადარჩენას 2024 წელს“ - გამოცემა Financial Times-ი აქვეყნებს. როგორც გამოცემა დასავლელ მაღალჩინოსანზე დაყრდნობით წერს, წარუმატებელი კონტრიერიშის შემდეგ უკრაინა ტაქტიკას ცვლის და 2024 წელს „აქტიურ თავდაცვაზე“ გადადის, ხოლო დასავლეთში უკრაინის ახალ იერიშს 2025 წლამდე არ ელოდებიან.

ევროკავშირი მზად არის, უნგრეთის ეკონომიკას დაარტყას თუ ბუდაპეშტი, 1-ელ თებერვალს დაგეგმილ სამიტზე ვეტოს დაადებს უკრაინის შემდგომ დაფინანსებას, - წერს გამოცემა The Financial Times-ი. „ბრიუსელმა შეიმუშავა სტრატეგია, რომელიც ითვალისწინებს უნგრეთის ეკონომიკის სისუსტეებისთვის მიზანმიმართული დარტყმის მიყენებას, მისი ვალუტის შერყევას და ინვესტორების ნდობის მოშლას სამუშაო ადგილებისა და ეკონომიკური ზრდის შემცირების მიზნით, თუ ბუდაპეშტი უარს იტყვის კიევის დახმარებაზე ვეტო-ს მოხსნაზე", - წერს გამოცემა ევროკავშირში შემუშავებულ დოკუმენტზე დაყრდნობით.

ბოლო პერიოდში, მმართველი პარტიის მხრიდან ხშირად კეთდება გაცხადებები არჩევნებამდე პრეზიდენტ სალომე ზურაბიშვილის შესაძლო გადადგომაზე და ოპოზიციაში გადასვლაზე. ანალიტიკოსებს მიაჩნიათ, რომ „ოცნების" ამ განცხადებებს რამდენიმე მიზანი შეიძლება ჰქონდეს. თუმცა, მათი თქმით, არც ისაა გამორიცხული, რომ ზურაბიშვილი ოპოზიციურ ფლანგს შეუერთდეს, ვარაუდობენ, რომ ეს შესაძლოა იყოს გიორგი გახარიას პარტია, ან „ლელო".

უკრაინის ხელისუფლების მხრიდან სამხედრო დახმარების მიღების გაცხადებული გონივრული ვადა იწურება, თუმცა, ჯერჯერობით კვლავ გაურკვეველია, შეძლებს თუ არა თვის ბოლომდე აშშ-ის კონგრესი კიევისათვის დახმარების ახალი პაკეტის დამტკიცებას და რა შედეგით დასრულდება 1-ლ თებერვალს ევროკავშირის რიგგარეშე სამიტი. უკრაინის საგარეო საქმეთა მინისტრი დმიტრო კულება აცხადებს, რომ დახმერების დამტკიცება იანვრის ბოლომდე თუ ვერ მოხერხდა, ეს შეფერხება უკვე უშუალოდ ფრონტზე დაიწყებს ასახვას. ამ ვადის ამოწურვამდე კი სულ რამდენიმე დღე რჩება.

გასულ პარასკევს თბილისში სომხეთის პრემიერ-მინისტრ ნიკოლ ფაშინიანის ვიზიტისას, საქართველოსა და სომხეთს შორის სტრატეგიული პარტნიორობის მემორანდუმი გაფორმდა. სხვადასხვა ფორმატში გამართული შეხვედრებისას საუბარი იყო ასევე ორ ქვეყენას შორის სახელმწიფო საზღვრის დელიმიტაცია-დემარკაციაზე და მსხვილ რეგიონალურ პროექტებში სომხეთის მონაწილეობაზე.

მოახერხებს თუ არა მმართველი პარტია და ოპოზიცია ევრორეკომენდაციებზე ერთობლივად მუშაობს, ამ დრომდე ისევ გაურკვეველია. ევროკომისიის ცხრა რეკომენდაციის შესრულებასთან დაკავშირებით, მმართველი გუნდი ორშაბათს, 29 იანვარს, პოლიტიკურ ჯგუფებთან და სამოქალაქო საზოგადოებასთან ერთად სამუშაო შეხვედრას გაიმართავს. საპარლამენტო უმრავლესობაში აცხადებენ, რომ შეხვედრა სამუშაო ფორმატის მორიგი რაუნდია ცხრა პრიორიტეტზე დისკუსიისთვის. ხელისუფლების ოპონენტების ნაწილი ერთობლივ მუშაობაზე მზადყოფნას გამოთქვამს, თუმცა ნაწილს ჯერ ვერ გადაუწყვეტია, ჩაერთვებიან თუ არა ამ სამუშაო ჯგუფში. 

 შემზარავი დანაშაული თბილისში - 11 წლის გოგონას გაუპატიურებაში დაკავებულია მამინაცვალი და ასევე გამოძიებამ დააკავა გოგონას დედაც, როემლსაც ბავშვის გაუპატიურებაში ქმრისთვის ხელშეწყობა ედება ბრალად. გამოძიებით დადგინდა, რომ 33 წლის მამაკაცი გოგონაზე სისტემატიურად ძალადობდა, მათ შორის, სავარაუდოდ, დედის თანდასწრებითაც, რომელიც ამ სასტიკ დანაშაულზე არ რეაგირებდა. გოგონაზე მოძალადე დედაც და პედოფილი მამინაცვალიც დაკავებული არიან. მამაკაცს უკვე მისჯილი აქვს 19 წელი, ხოლო გოგონას დედას სასამართლო პროცესები ახლა დაიწყება.

პრეზიდენტი სალომე ზურაბიშვილი აცხადებს, რომ მას სომხეთის პრემიერ-მინისტრის, ფაშინიანის ვიზიტი დაუმალეს და ამის გამო უკმაყოლებას გამოთქვამს. პარასკევს პრემიერ მინისტრმა ირაკლი ღარიბაშვილმა სომხეთის ლიდერს ისე უმასპინძლა, რომ შეხვედრა პრეზიდენტთან არ ჩანიშნულა. ხელისუფლების წარმომადგენლები ამას იმით ხსნიან, რომ ეს კონსტიტუციის დარღვევა არ არის და სალომე ზურაბიშვილი მხოლოდ ხელის შემშლელი ფაქტორი იქნებოდა. პრეზიდენტმა კი პრეტენზია გამოთქვა, რომ არ ხდება მისი ინფორმირება მაღალი რანგის ვიზიტების შესახებ.

ეუთო-ოდირის გრძელვადიანი სადამკვირვებლო მისიის გარდა, საქართველოს 2024 წლის საპარლამენტო არჩევნებზე გრძელვადიანი დამკვირვებლების გამოგზავნის გეგმას ევროკავშირის ცალკეული სახელმწიფოებიც განიხილავენ. ამის შესახებ საქართველოში ევროკავშირის ელჩმა პაველ ჰერჩინსკიმ განაცხადა. ანალიტიკოსთა შეფასებით, ამ თვალსაზრისით წლევანდელი არჩევნები მნიშნელოვნად იქნება განსხვავებული 2020 წლის არჩევნებისაგან. რით არის განპირობებული ევროპის ასეთი ინტერესი და რა პრაქტიკული შედეგი ექნება ამას?

სენაკში „საქართველოს ბანკის" ფილიალში ახალგაზრდა კაცი შეიჭრა, რომელმაც ბანკში მყოფ მოქალაქეს დანის მუქარით ჩანთა წაართვა და გაიქცა. თუმცა პოლიციამ ის ბანკიდან სულ რამდენიმე მეტრში დააკავა. თვითმხილველები ჰყვებიან, რომ ახაგზრდა ბანშკი ჩვეულებრივად შევიდა, შემდეგ კი დანა ამოიღო და მოქალაქეს ძალის გამოყენებით ჩანთა წაართვა.     

ცდილობს თუ არა ოპოზიცია ე.წ. მესამე ძალის შექმნას და „შუაშისტური“ ამომრჩევლის  მობილიზებას? ასეთ ამომრჩეველს კი არც „ნაცები“ სურს და არც „ქოცები“. ამიტომ ეძებს ალტერნატიულ მესამე ძალას, რომელიც  არცერთ მათგანთან კავშირში არ იქნება. ეს ოპოზიციურმა პოლიტიკურმა ძალებმა კარგად იციან და დიდი ალბათობით, ახალი ძალების მობილიზება სწორედ ამ კატერგორიის ელექტორატიდან უნდა მოხდეს.